Mira un ceo sempre gris
sobre terra ben mollada,
onde soa brilla a lúa,
onde vive miña amada.
Mira unha estrela tristeira
entre risas apagadas,
dende onde morre o Eo
ata a costa da Guarda.
¡Ai! Galicia feiticeira.
¡Ai! Media vida ou enteira.
Patria de festas e feiras
sempre serás a primeira.
Soña cun mundo perfecto
onde non che falte nada,
xunto con trasnos e meigas
e tamén algunha fada.
Soña cunha vida leda
na túa terra desexada,
dende a costa da Morte
á fronteira zamorana.
¡Ai! Galicia feiticeira.
¡Ai! Media vida ou enteira.
Patria de festas e feiras
sempre serás a primeira.